最近看著有人寫一寡仔台羅字个時，無咧用連字號。
拄看著感覺新奇，所以就去查了一點仔資料。
結果發現事誌毋是戇人所想个遮爾仔簡單。
問題之一就是出佇入聲字遮。
-h佮h-無法度分辨，這乾焦是小問題爾。
較大个是-p/-t/-k，其實是-b/-d/-g才著。
入聲字是濁音尾，毋是清音尾。
莫怪菝仔pat8-a2會予唸做pala。
台羅字个l其實較倚[d]，所以寫做pad8-a2較著。
若是無用連字號，入聲連音會完全唸毋著去。
想欲無愛用連字號，入聲尾愛規个閣設計過。
l規氣改做d，j改做dz？
第二个問題佇n佮o，
例：-n+n- vs -nn、-n+g- vs -ng/ng-、-o+o- vs oo…
可能猶有別个問題，所以我是建議莫假gau5按呢寫。