早着愛取消連字號,日本教師早前恥笑白話音標有夠爛,台南青年挖屎糊壁,創一套台語
現代文,特色是寫變調,調號用其他猶未用着个字母來標示,無連字號。雖然當啊開始看
無啥有,毋過認真比較,彼是較有前途个書寫法,較成英文,詞是詞,哪親像白話音標替
漢字標音,一字一字寫本調加hyphen,破壞讀者辨認/聯想詞意,強逼讀者心中自我變調
,寫个人忝,讀个人嘛真忝;調號一疕仔囝,辨識度無夠;寫一字漢字个羅馬音標竟然有可
能愛拍6个羅馬字母以上,一句話寫起來落落長,總長度有全漢文兩倍較加,有夠漚屎(ou
tside),台灣是反智社會才會有人擱咧推廣即套,學源頭个十五音,有主體意識兼加捌寡
漢字,毋是誠好?
話講返頭,即陣已經2020年,有電腦鬥相共,佇支援ruby个firefox同齊寫全漢文章兼全
羅注音已經毋是問題,哪着寫全羅,無采工加舉枷浪費性命。