細漢時，我誠愛恬恬ti7邊a聽大人講話，雖然阿爸、阿母教阮講e7是國語，但是in攏
是講台語大漢e7，平常時嘛用台語抬槓，所以我定定是鴨子聽雷，不過我ia2是愛toe3 ti7
阿母邊a，聽伊kah阿媽、阿姨、阿舅講電話，kah厝邊秀春阿姨講東講西，有一句沒一句e5
嘛是誠趣味。
真正hou7我想欲認真學台語e5是外媽──阿母e5媽媽。阿媽誠疼孫，逐遍來攏koaN7
ga2大細包，阮嘛是阿媽長阿媽短e7，只是會曉講e5傷少，所以攏講ga2咿咿唔唔，hou7阿
媽愛笑，尾仔，我為著欲hou7阿媽聽有，一字一字講，定定講一半抵著be7曉e5，著隨用國
語問媽媽，chiah閣繼續kah阿媽講。
阿媽定定講：『阿慧仔，你愛好好讀書，bat字chioh2好！像我be7 bat字著be7路用…
…。』我講：『be7啦！阿媽你緊有路用啊！你會曉講台語、會曉做好吃e7粿、會曉挽面、
閣甲媽媽飼大漢hou7我……。』阿媽只是笑笑講我是憨niN2仔。我閣講：『阿媽，你教我
台語，我教你國語，好無？』阿媽笑笑講：『你niN2仔人學卡快，阿媽老仔，學be7曉啦！
』『會啦！會啦！阿媽我教你啦……』阿媽沒法度，只好答應我，了後，我e5台語卡實進
步誠多，但是我並沒做好老師e7職責，因為阿媽kah chit-ma2 ia2干單會曉講"蘋茍"〈蘋
果〉nia7 nia7。
我bat想過：那使我有另外一個疼我e5外國阿媽，我e5英文是m7是會卡好咧？傷少，我
一定敢講出嘴，m7干單是會曉考試nia7。