: 在滴卡看到這篇有感而發
: https://i.imgur.com/VnFwmNx.png
: 　
: 是不是最好一開始就用真相示人
: 　
: 不要用照騙免得浪費彼此時間？
當然是囥真的相片上好
毋過
毋是講無愛予人失望才欲囥真的相片
是自我認同的問題
你若感覺家己相片無好看
當然嘛會當修一下
彼攏是個人自由
問題是：
為啥物你無愛接受家己就是生做這款？
這才是愛去討論的
你毋願意接受家己
所以你囥修過而且佮本人差真濟的相片
嘛無共人講這是修過的
按呢人一直掠做你就是生做相片彼型的
等見著面 夭壽
哪會佮所想的無仝款
當然嘛驚著
無的確你用本來的相片
顛倒人閣較佮意
啊若囥真的相片
就無人欲揣你開講
欲按怎辦？
莫耍就好矣
對生活當中來熟似朋友
其實比交友app較好濟矣
人佮人中間
一開始當然看外表
久矣 愈來愈熟矣
就是看兩个人個性會合無
毋是講外表就無重要
外表這款物件
久就較無感覺矣
你若會佮這个人繼續來往
大部分是因為個性會合
所以
若相片按怎變攏無滿意的
莫浪費時間矣
位生活當中去揣
加參加一寡活動
顛倒較有機會