因為有贊助募資，所以昨昏佇戲院正式上演進前，受邀參與特演會，讚讚讚！
無完整劇透：佇火燒島流麻溝(鱸鰻溝)這个規年迵天搧海風兮所在，三个主角，以及毋管是
受刑人抑是軍官，對五湖四海來到遮兮人各樣各色，攏仝款予暗流滾攪兮環境，佮家己兮重
擔來拖磨。佇遮，隨人以無仝兮立場盤撋，交織出時代兮面模，佮一絲仔人性兮光輝。最後
以島上某一條案件做轉機，衝突一觸即發，有人沉淪滅無，有人犧牲自我，嘛有人佇愛當中
得著救贖。
整個來看，劇本並無真正下重鹹，只是足簡單共彼當時兮政治受難者生活搬出來，毋過干焦
按呢，着予觀眾感受著白色恐怖初期兮無情粗殘。
演員表現攏真讚，畫面足媠，有真濟桌布級兮場面。歌嘛誠好聽，遮兮着予逐家去電影院內
底好好仔感受矣！