教學現場兮狀況咱盡量討論
毋過
直接否認台語文字的必要性
實在予人看袂落
現此時兮語言傳承毋是干焦靠喙講
嘛愛文字記錄
阮台語人嘛有文學創作、學術討論兮需求
這無可能干焦靠華語著有法度完成
語言愛活用
毋是佇厝內講著好
而且即嘛是有幾个家庭佇厝講母語？
另外，台語文字兮標準若毋是教育部來處理
無你欲揣啥人、佗一个單位來規定？
來成立台語委員會啊！欲毋啦？
莫干焦出一支喙蹛遐吠啦！
文字標準化仝款會使討論
教育部兮推薦用字
嘛毋是逐个使用者攏接受
總是先共基礎拍予在
莫人咧拍拚
你出一支齒埠佇網路頂面喈