學語言，斟酌用詞、細膩辨義是重要的功夫
我今年未到二十五，對台灣閩南語使用者來講，應該屬於少年的一輩
會聽會講的朋友袂少，毋過用詞程度親像細漢囡仔
我學得真骨力，才有小可進步
希望佇這个版分享一寡需要斟酌的用詞
第一个，捌『阮』、『咱』
阮，讀做guan2，抑讀做gun2
咱，讀做lan2
兩个攏是有複數字尾-n的第一人稱代名詞
毋過前者所指稱的不包含講話對象，後者才有包含
譬如講，探病的時
講：『阮欲來去矣』，隱含的意思是『真失禮，你需要再住院』
講：『咱欲來去矣』，隱含的意思是『真恭喜，你可以出院矣』
正港的北京話的『我們』不包含講話對象，『咱們』才有包含
這款差別佇普通話已經無矣
平常時講『我們』講得慣勢，頭腦才會轉袂過來