出發啦！滕麗名孖「奶奶」搵《老友記》
09月07日(三) 10:59
【on.cc東網專訊】 無綫電視劇《一屋老友記》完咗之後個個都好唔捨得「寶家」，不過
遲啲就有機會見番佢哋，因為佢哋去台灣拍旅遊節目呀！早幾日「老竇」劉江、「大寶」
歐陽震華、「三寶」張頴康、「三嫂」呂慧儀、「細寶」張彥博仲有「依蘭」羅蘭BB就率
先出發，而「二寶」滕麗名雖然喺劇中同「野蠻奶奶」盧宛茵唔啱牙，但喺劇外就梗係冇
婆媳糾紛，呢日仲終於一齊飛去台灣會合「寶家」喇！
滕麗名喺微博上載咗張同奶奶嘅合照，雖然阿滕就戴咗口罩，但都Feel到佢有幾開心，佢
留言：「我和奶奶來了，寶家精神，威猛過人，六神合體！」雖然唔知佢講緊「六神」係
邊個，因為都唔止咁少人噃……點都好啦！真係好期待佢哋嘅節目出街呀！
「寶家」無論喺劇內劇外相處都好融洽，佢哋喺微博都成日傳情，好似阿滕又會叫「等我
呀～大哥」，就知佢哋有幾咁close啦！
http://goo.gl/oeSZ8o