歐陽震華（Bobby）、羅蘭、劉江、張頴康及張彥博等在機場出發到台灣拍攝《一屋老友去旅行》。Bobby表示旅程由台北殺落台南後便直入墾丁，共拍攝十幾日。笑言羅蘭會負責滑水和攀石的他就指屆時會陪住對方：「好大責任㗎，我仲會揸電動車車羅蘭姐去買嘢，上演一幕忘年戀。」
他更笑指已叫工作人員準備三輪車，費事行行吓少咗個，又透露劉老師會在民宿下廚。談到節目將於台慶月播出，他表示節目旨在令年輕人孝順長者：「我今次去都係負責喺羅蘭姐佢哋附近斟茶遞水。（做阿四？）冇所謂，係我嘅榮幸。」他亦透露滕麗名將赴台會合他們，更打算向她準備驚喜：「阿滕唔知盧宛茵都嚟，劇中佢最驚呢個奶奶，到時嚇佢一跳。」
「长脚蟹」吕慧仪在机场出发到台湾拍摄《一屋老友去旅行》。获老公黄文迪送行的她就指未试过离开囝囝蟹籽半个月咁耐：「我几想揽住渠，渠Okay要独立啲，系我唔Okay！（担唔担心老公一个凑唔掂？）我都Brief咗个仔，叫渠包容啲！」又谓已经向老公列出注意事项清单。
问出门前有否「啜爆」个仔，她笑谓：「直头锡到渠燶咗！」又指两岁的囝囝最近开学：「好彩呢个Trip四号先去，咁我一、二号就可以送渠番学，三号就渠生日。」亦指与欧阳震华等《一屋老友记》演员出Trip好Warm，所以工作Feel不大，感觉劲舒服。
http://i.imgur.com/W8NXQ2e.jpg