若是欲討論這个問題，
不如共問題算佇家天下个政府面頂。
這款集權个政府，閣配合著儒教个傳統，
發展出來个就是無法度自我修正个社會。
民主个好處，就是伊會當自我修正，
共體制中壞去个部分，換儂重新檢討來做。
而且，修正个標準是社會上大多數个利益。
集權政府，體制若出問題，
是無法度自我修正个代誌，
欲修正，假若會當靠上位个智慧。
但是，上位者，無一定有智慧，
按呢就會成做改朝換代个動亂。
儒家是一款宗教，伊个信仰就是天。
君主是奉天承運个彼家伙儂，
而且這款宗教，目的是維持社會舊个階級。
所以置台灣遐个老尻川，尚愛提儒教。
親像中國國民黨彼个老尻川，就是彼款儂。
所以講，儒教佇咧現代注重能力共專業个民主社會，是注定有一工會消失个傳統信仰。