〈地圖〉
半暝騎著烏都(禾黑) 歸个台北直直挵
行三民路挵過民族民權民生
路名咧講啥款主義早就袂記
但是猶擱有人咧想 擱有歌咧唱
挵過南京路對圓環倒彎重慶路
拄好行一擺怹當時轉進的方向
聽講路尾 彼個政府走去一个島嶼
毋過汝看 怹的地址猶擱佇重慶咧
挵過長安路北平路 這馬叫西安佮北京
跳過西藏路的流民 佮迪化街的內籬仔
是按怎遐爾利便 無需要一暝的時間
歸片大陸所有省市 攏佇我的跤底
擱誠實奇怪 哪會攏揣無台灣路
嘛揣無獨立街 擱莫講自由路
行到天光進前的凱達格蘭大道才知焉
原來遐的物件毋通出現佇怹的地圖的