【有人喜歡男】社運男空少拋開枷鎖 紐約註冊成「夫夫」＠ 蘋果新聞
執子之手，與子偕老，是空少Jerry（化名）的平凡願望。他今年38歲，自言
早想安定下來，「人大咗買樓結婚，係順理成章」。兩年前，他趁伴侶到台
北參加同志遊行後，在機場接機、求婚，見證着整個過程的友人笑言，當事
人嚇得雞飛狗跳，「圍住架手推車跑圈，好似捉小朋友打針咁！」二人其後
往紐約註冊，無名指上從此多了一圈小玩意，「係藍寶石，因為我哋都鐘意
藍」。
記者 朱雋穎
他的丈夫是社運活躍分子、民陣發言人岑子杰（Jimmy，28歲），一個抨擊建
制、抗拒婚姻制度的人，甚至對Jerry嚮往那種生活，嘲諷道「佢變態架」，
孩子氣地說若非Jerry「死纏爛打」，才不願意結婚呢。Jimmy更定下三條不
平等條約：「我同我啲ex（前度情人）一定耦斷絲連、你唔會比我嘅工作重
要，同埋，我一定會去滾！」Jerry都一一接受，「其實佢好有正義感，講咗
係咁就係咁，唔會假得去邊」。
婚後，Jerry與家人同住天水圍，Jimmy卻仍住在香港彩虹的會址，二人均說
生活習慣太不同，Jerry長期不在港，在港時早睡早起，生活規律；Jimmy日
夜顛倒，披星戴月，傘運期間逾月未曾歸家，隨時準備因抗爭被捕、上庭甚
至入獄，「佢舊年生日時都要去佔領區先見到我」。
二人與彼此的家人關係都很好，Jimmy甚至說母親疼錫其夫多於自己。Jerry
任職的公司在政策上對同志友善，同性婚姻伴侶可享與異性婚姻伴侶同等的
福利。不過，即使在職場、家庭中獲接納，Jerry還是不敢在街上牽着Jimmy
的手。
「去到荷蘭，都要我迫佢先肯喺街上拖手呀！」Jimmy以孩子的語氣說。
「但喺巴黎塞納河畔我哋唔係有拖住手雨中漫步…」Jerry靦腆回應。
「因為嗰度冇人吖麻！」Jimmy賭氣說。
Jerry坦言，社會上對同志抱奇異眼光的人仍多，即使有望通過多元成家法例
的台北，亦曾被嬸嬸質問「兩個男人牽甚麼手？」，令他尷尬不已，「我唔
想被人指指點點」。他又坦言，對所謂正常人生十分嚮往，選擇在機場求婚
，就是因渴望公開二人的關係，獲世人的祝福，卻矛盾地擔心着惹來反效果
，「機場係全世界唔同文化嘅人都有嘅地方，人哋比較易接受，唔會尷尬」
。
「我成日要佢拖手，係佢（Jerry）唔肯。唔敢拖手同社會氣氛有關，佢好擔
心會惹嚟麻煩，一般人唔會因為有伴侶而有麻煩，同志卻會，咁本身就係一
個問題」。Jimmy說。
Jimmy向來懶理世間枷鎖，始終忠於自己，平權與否似乎對他都影響不大？他
說，「每個人性格都唔同，有啲人比較strong，可以靠自己fight back；但
好多人被人鬧，係會退後，再鬧，再退。社會上有好多溫柔婉約可愛嘅同志
，面對歧視唔敢出聲，受辱罵打壓時會躲在暗處發抖」。他說到，中學時一
位老師的同志身份，因周刊的獵奇式報道而曝光，遭校方辭退，無從在教育
界立足。
他又指出，亞洲鄰近國家，年內在性小眾平權比香港先進得多，尼泊爾在公
民證件及護照中落實加入男女以外的「第三性別」；泰國也通過性傾向及性
別認同的歧視條例。香港卻是毫無寸進，質疑就算成立反性傾向歧視委員會
，也是姿態多於實際，「俾大家拗交拗一年，就當自己做咗嘢，其實咩都冇
做過」。
人生而平等，現實中性小眾得到「頸都長」，莫說平權，更基本的反性傾向
歧視立法仍遙遙無期。本屆同志遊行明日舉行，主題為「喚醒平等　擁抱不
一樣 Yell Out for Equality」，下午2時在銅鑼灣維園起步，主題衣着是黃
色。去年的同志遊行有8,900人參加，人們不分攣直、hehe或sheshe，挺身走
到陽光下宣揚包容、接納與平等的美好。
ㄋ來源 http://goo.gl/Rgzi0S