無
我反對廢死
欲廢死的人
一般會主張講
這陣有死刑
猶是有人會犯重罪
所以死刑無法度產生嚇驚效果
這个講法若成立
按呢所有的刑罰佮行政罰(譬論交通罰單)
攏會當廢掉矣
因為這陣有刑罰佮行政罰
嘛是逐工有人犯罪有人違規
敢毋是？
其實
欲共死刑廢除
會使
愛有配套
為啥物有死刑？
因為這个人所做的代誌
已經嚴重甲無才調教化矣
無可能閣予伊佇社會佮逐家鬥陣生活矣
愛永遠共伊對社會隔離
若欲廢除死刑
上無
你愛先準備好終身監禁的所在
(無法度假釋的彼款終身監禁)
這愛起新型的監獄
袂當予伊接觸著別个犯人或者是管理員
無會真危險
因為伊確定愛關一世人
表現甲閣較好嘛袂當假釋
所以無人管伊會牢
管理員會足危險
袂當予怹接觸著管理員佮別人
愛一人關一房
這需要起新的監獄
敢準備好矣？
啥配套攏無
就講欲廢除死刑
這寡人若假釋出來閣犯案
啥人欲負責？
這陣猶有死刑
就有人敢唱「殺1、2個不會判死」矣
https://tinyurl.com/8m68ftxw
若誠實廢死
會變按怎？
這款代誌敢會試驗得？