: 我朋友年到了40歲 沒一技之長 大學都在混畢業
: 　
: 然後畢業後就啃老到40歲
: 　
: 請問這個年齡的想加入職場該選什麼工作? 去職訓嗎?
: 　
: 有沒有甚麼路途可以給我朋友建議的呢?
: 　
: 職訓的效果好嗎
若是做兵抑是一直有咧食頭路
到四十歲才欲學技術
會使去參加職訓
因為這是單純改途的問題
若大學畢業到四十歲
攏是爸母咧飼
閣參加職訓就無意思矣
免浪費時間
因為伊已經佮社會脫節矣
食頭路有兩項代誌愛面對
1.學做代誌
2.學做人
第1項是上簡單的
代誌早慢攏學會曉
上艱苦的是學做人
真濟人會辭頭路
就是佮頂司抑同事袂合
咱一般人若拄著這寡代誌
為著三頓
會想辦法去解決
若誠實無法度
就忍耐、改變想法、接受事實等等
毋捌食頭路的人
伊無長期訓練
會真不滿 會擋袂牢
磕袂著就欲辭職
尤其年歲有矣
凡勢頂司同事比伊閣較少年
夆管夆駡會閣較艱苦
所以才講免浪費時間矣
橫直到四十歲猶免工課
表示厝內嘛無差伊的薪水
繼續予爸母飼就好
啊若誠實有心欲振作
一步步來
先做較免佮人交陪的工課
譬論講外送
抑是夜班保全
其實加減嘛愛佮人接觸
只是講相對較少按呢
先做半冬一冬
慣勢了後 有領薪水矣
對家己有信心矣
欲繼續做外送保全抑是去參加職訓換頭路
就會使矣
加油！