生囝這款代誌袂勉強的
是按怎這馬逐家攏無愛生？
觀念已經改變矣
古早農業時代
查某人佇外口歹揣頭路
大部分就是嫁人
鬥生囝 囝大漢鬥種田按呢
這馬查某人揣頭路足方便
有的薪水比查埔較懸
靠家己就有法度生活矣
無結婚生囝嘛無差
免講查某人
查埔這陣嘛真濟無想欲結婚生子了
是講社會若欲正常運作
是一定愛有人生
所以有欲生的人
要共幫忙
譬論講
予嫁來台灣的新住民福利等等
我個人是真感謝閣願意生囝的台灣男女佮嫁來台灣的新住民
若無怹鬥生囝
台灣社會一定會出問題
無可能全部工課攏靠外勞鬥相共
嘛無遮濟外勞