好精彩啊!!!!
我趁PTT死機的時候連夜煲劇,
看完覺得這部真的是水準以上。
網路劇拍得比黑幫電影仲好睇添。
其實煲劇煲佐咁耐,
一套劇真的只要搞定佐三樣嘢就可以算係好劇:
劇情編得好
角色寫得好
演員做得好
好似燒臘飯盒,只要叉燒燒腩燒鴨掂,
個飯盒就係水準以上,
呢套劇就係咁,劇情環環相扣,角色個個鮮明得嚟又有晒深度,
唔會一個角色前段後段不同人咁,就算條友變佐都會畀晒交代。
就算係演員都做得幾好,
好多好耐冇見的老戲骨都做得好好。
有好多都係九零年代千禧年前後班老面孔,
一排冇見,d戲又真係做得喎,
就好似吳岱融咁,
我細細個都係睇佢做小生大嘅,
宜家睇番佢做d比較old school嘅老叔父,又做得幾好喎,型到爆棚。
其他演員都交足功課,
尤其係招積哥(上網check之後先發現佢做過一路向西ge男主角),
一個角色四個phase,個個都精彩。
總而言之咧,我睇得出呢套劇真係成班幕前幕後俾晒心機拍到ge作品,
其中有d政治嘢我唔係幾鍾意,
冇計,聽講呢套劇係有中資嘅,當然唔可以拉埋我啲英明神武的特區政府下水啦,
呢d我就頂唔順啦,不過好彩政治洗腦ge部分都唔係幾多。
導演就係"三五成群"的大王,"中仔"宋本中啦,
佢呢舖真係吐氣揚眉!!早期佢係茄哩啡,
做過唔少角色但係都沒咩機會上位,
例如"滿清禁宮奇案"得花柳死埋ge同治弟啦,
"古惑仔"一開頭少年樣ge山雞啦,
佢去做過最出位ge角色應該就係大王,
當年經典台詞"你估X人老母唔使付出代價既咩?"好多人印象深刻,
但佢係台灣就冇咩人識。
今次佢呢套劇,又係導演又係編劇又係製片,
自己仲落嚟做番老臨,
安排佐一幕打麻將ge戲,檯上面四條友仔都係山雞,
(陳小春係正宗山雞、李燦森做過少年山雞,中仔就係"古惑仔"開頭ge後生山雞,
梁烈唯之前果套好似喜愛夜蒲ge新版古惑仔鴨店新秩序,都係做山雞)
就知道佢呢個導演拍戲真係落足心機。
總之就推薦俾本版ge女性朋友啦,
套劇係陽剛味重d,
但都幾多靚仔可以睇嘅!!!!!!!!!