作者:
s950260 (Frank)
2025-05-18 13:16:15厚酒啉mi t-tsu-uà-lih
我會曉啉酒是因為細漢食麻油酒練出來的。阿爹仔愛啉有酒味的湯，就按呢愛食麻油酒，
特別是湯攪燒飯，閣摻一屑仔豆油，見就是三碗起底，免配菜，菜自然就較iunn矣。
到甲大學四年仔，畢業設計若拚甲半暝，同學相招去食宵夜，就有人去公賣局的烏梅仔
酒來做伙啉，俗閣甜有夠好啉。我是啉無礙著，毋過，總是有人腳數 見啉隔工見無法度上
課。「會曉啉酒」就予人認牢咧矣。
出社會食頭路，公司的酒攤我是常勝將軍。啥物死骨頭酒都啉；啥物啉法齣頭規thôo-lah
-kuh；啥物夭壽所在嘛會當啉；佮啥人做伙啉嘛袂認人，只要是人就好。公賣局的矸仔麥
仔酒啥編號是佗位做的；啥物代號是酒頭會加蓋好啉；一箱有五罐都知空。你看啉酒啉甲有
偌gâu？獨獨外國酒罕咧啉，若啉嘛是焦啉niâ。
會記得頭改去日本出張，頭暗對方主管案內去khu-lá-buh啉酒。伊教我in日本人當咧時
行啉uî-su-kih的步數。講彼名號做mi t-tsu-uà-lih。意思就是透水啉，比例在你透。
我就共講這佇台灣的啉酒場行袂通，干焦個人享受會通。我共開破講：恁日本人乾杯是隨意
；阮是咧拚酒，會計較啉濟啉少。閣共褒講：佮伊用這款啉法是咧享受。彼暝我啉著有茫，
因為感覺佇台灣啉的酒傷匪類閣討債。
轉來台灣了後，酒場文化改無法伊。毋過，家己有法度控制的都合，啉uî-su-kih定著
啉mi t-tsu-uà-lih，而且是透冰角毋是透水，我共改的。按呢，冰角沓沓仔溶，逐喙啉
著的uî-su-kih的滋味攏無仝，這毋才是啉酒。
一逝日本，啉酒的觀念tsua nn改變。
註：
iunn：吃菜省一點。
例：飯愛加食寡仔，菜配較iunn咧。