分享一下FB上
牛佬的作者話
只取一些重點
「牛佬的話」
bit.ly/2y02kBW
■依家牛佬個腦，已經不斷困住某Ｄ重要角色嚟思考，睇吓點樣交代佢哋嘅「後事」。
■完舊書，開新書！嘩……呢個「交替期」都幾係嘢！個腦，經常兩邊走，諗吓呢邊，又諗吓嗰邊！吁……精神分裂咁滯！再加上呢輪出面新聞，全部都係關於疫情嘅消息，相當之「寡」，攪到成個思想空間都冇得舒緩。今勻，真係「困住嚟打」！
bit.ly/3e5YszK
唏！呼一聲又到禮拜四勒！
■今期──終於講咗立花正仁點解要同陳浩南嚟一場「生死決」嘅背後真相！嗯……唔知大家收唔收貨呢？自己認為，勉強叫做可以。唯一感覺麻麻就係──有Ｄ論盡！
■當然，有Ｄ讀者梗會話：「Ｘ！駛乜扭咁多無謂橋吖！邊個殺邊個，又或者邊個『隊冧』邊個，用鎗就攪掂啦！又爽快又合理！」嗯……都講得啱！不過，其他老友記就未必鍾意睇勒！係咪？
■其實，科技越發達，對我哋呢Ｄ「講古佬」嚟講，就越係吃力！唔駛話乜，剩係有咗手機可以影相又或者拍片直播，已經令到我哋劇情好多犯駁！冇計！個世界已經係咁！唯有……轉吓思路！
■近排，依然好多老友記追問敝刊仲有幾多期完結。嗯……真係唔敢肯定！因為，依家我乜都唔諗，剩係順住去寫，直至完結為止！但係我直覺──冇理由過到四月啩？真係要答……大概四五期左右啦！如果有出入，唔好詐型！
■哈！突然多口一句，同大家講聲：「唔駛執著幾多期啦！總之，係呢一輪架勒！尤其係大結局前一期，實話畀大家知，OK？」