http://hk.apple.nextmedia.com/enews/realtime/20170709/56934737
【曾演《神鵰》黃蓉】四月腦中風三次開腦 前無綫藝人歐陽佩珊今午病逝
曾在無綫電視劇集《神鵰俠侶》（1983年版）中主演黃蓉的香港資深藝員歐陽佩珊，今日傳出死訊，終年63歲，其丈夫郭鋒今日接受《蘋果》查詢時表示，他起初語氣平靜：「係四月開始發生嘅事，腦部中風，做咗三次開腦手術，發覺原來係有腫瘤，所以一直到今日返咗港醫治，冇藥物對付到佢，做唔到，所以至會有咁不幸嘅事，所以我都覺得好傷心。」
郭鋒透露太太是在今天下午1點41分，於養和醫院病逝。問到太太臨終時是否一直在身邊相陪?郭鋒語帶哽咽說：「當然喺身邊，依家我睇吓點安排打理後事，交畀屋企人搞，我暫時想安靜吓。」
歐陽佩珊原名陳潔英，於1960年代出道，曾演出粵語片，後來於1975年加入麗的電視，成為當家花旦，主演過《子夜》、《半生緣》等劇集。及後到1978年轉投無綫，主演《小李飛刀之魔劍俠情》、《抉擇》、《楚留香》、《網中人》、《上海灘》及《神鵰俠侶》等經典劇集。到1989年再轉投亞視，亦有參演電影。
歐陽佩珊於1977年與郭鋒結婚，到90年代逐步淡出娛樂圈。