【權鬥犧牲品】效力卅載 《親親》監製關永忠承認「辭咗職」：我未搵工
http://s.nextmedia.com/realtime/a.php?i=20160519&s=7018882&a=55122670
（歹勢，手機沒辦法縮網址，之後再改）
【權鬥犧牲品】效力卅載 《親親》監製關永忠承認「辭咗職」：我未搵工
2016-05-19 20:30:00 HKT
監製關永忠話辭職要6個月通知，所以0依家唔搵工，遲啲先算！
今日有消息話無綫監製關永忠監製既《親親我好媽》，有指因劇本同埋高層權鬥問題，突
然要「停廠」4日，對於秒秒都係錢嘅大台嚟講，真係好大件事；而呢隻鑊，亦一定要搵
人孭，結果有傳關永忠接到大信封後，大台下旨叫佢低調處理，話叫佢出去同人講係自己
「請辭」，唔係「被辭」。
關永忠今日接受傳媒訪問時，佢承認自己辭咗職，問到佢係咪做得唔開心？佢話：「呢個
有啲影響，我喺無綫差唔多做咗30年，個人都攰，我未搵工，亦都冇諗後便啲嘢，因為辭
工要6個月通知，過多幾個月先去考慮其他嘢！」
但係有傳關永忠今次離職，係同停廠事件有關，佢就話：「冇人同我提過呢樣嘢，我到今
時今日都冇超支，個期亦都唔係over好多。我都講過好多次，停廠停外景成日都有，上一
套戲都試過，好似要撘景，演員要休息或者調動成日都有，其實係煲大咗啫，我都唔知點
解。」
講到個劇本有問題，關永忠就話：「呢樣嘢好個人。就算我同演員去睇都有差異。我諗出
嚟嘅時候等大家去睇，到時睇成績表咪知。自己話叻晒都係冇用。」
查實大台嘅層鬥爭都已經唔係新鮮事，不過關永忠話：「其實個架構都定晒喇，我哋都係
under佢(珍姐)，去到最尾係幫TVB打工，TVB出嘅糧，佢係我老闆；我哋都係打工，都係
跟住公司方向做嘢，上頭有乜嘢指示，咪做乜嘢囉！」
不過幾時都係得寵嘅人做嘢方便好多，關永忠就話：「唔受咪努力啲，我好少同老闆打交
道，多一事不一事，收得人工係幫公司解決問題，而唔係交問題俾公司解決，由梁家樹到
0依家都係，可以解決得到嘅都由自己解決。」
關永忠係無綫高層梁家樹(左二)愛將，梁家樹走後，關永忠儼如遺孤，就連曾勵珍都唔出
手保佢。
關永忠同阿姐一樣，都係喺大台做咗幾十年，算係老臣子！
沒完沒了的權鬥
杜之克與余詠珊同一陣線，且深受李寶安器重，兩人聯手對抗真係曾勵珍。