http://hk.apple.nextmedia.com/enews/realtime/20151001/54268141
採訪、攝影:Miki、欣宜(蘋果日報)
以前大台小生花旦拍拖,總係要收收埋埋,就好似黃宗澤同胡杏兒、鄭嘉穎同佘詩曼咁樣
樣,要等到陳豪陳茵媺呢pair公開晒,楊怡同羅仲謙呢對,介乎認同唔認之間;鍾嘉欣同
伍允龍直頭慘豬到,分咗手都唔敢認。
等咁耐,先等到陳凱琳同鄭嘉穎(又係鄭嘉穎)呢對「父女戀」公開(其實仲有宋熙年同陳
智燊0架!)然後百花齊放,好似今日咁,就有「處女黨」成員岑麗香,同外國返嚟、拍
拖半年嘅圈外男友(六呎高)向將軍澳嘅街坊高調宣佈戀情,由掃背到十指緊扣到車廂激吻
,大家想像到同想像唔到嘅畫面都有齊。難得是香香接受傳媒訪問時,亦落落大方承認。
當頭條熱話唔再係陳凱琳同鄭嘉穎(依家最新發展係洪永城介入!),而係有劇上緊嘅岑麗
香嘅時候,咦,喺台灣忙緊拍電影《泡沫之夏》嘅羅仲謙,今晚同楊怡喺香港人聚集嘅饒
河夜市拍拖拖喎!想搶fo?
話說今晚(1號)10點45分左右,楊怡與羅仲謙,同行還有兩女子一齊。當時楊怡就買緊豬
肉乾,羅仲謙就企喺安全距離,默默守候。眾所周知,饒河夜市好多香港人0架啦,兩人
當時又冇戴口罩,冇戴超,身穿白Tee,楊怡仲化咗淡妝,真係想認唔到都幾難喎……
早前羅仲謙返港出席活動時,先至話中秋節要喺台灣過,又陪唔到8月生日嘅女友慶祝,
依家楊怡成個人飛埋過去台灣,人月兩團圓。
留意番,嗰次訪問,謙仔話近年都積極工作掙錢買樓,只要天時地利人和,就會結婚。當
時記者問到對象是否認定楊怡?有冇正式求婚?羅仲謙話:「你們寫我會心微笑啦!」
拿拿拿,係咪有嘢要宣佈先?