你想看覓
中共國若規工講「蒙古是我國自古不可分割的神聖領土」
抑是對越南、南北韓講仝款的話
啥人會插潲伊？
怹內部的親中派
勢力敢會大甲跳出來講欲佮中共國和平統一？
所以毋是中華民國無夠強
袂 尤其咱佮美國同盟
咱袂輸彼寡國家
(這嘛是中共欲舞疑美論分化台美的原因)
毋過咱內部真濟人無感覺予中共國併吞是無好的代誌
這就是問題
進前我捌看過有人講無想欲相戰
所以想欲選擇投降
伊毋知影若台灣予中共國併吞
咱顛倒就真正欲替中共國佮美國相戰矣
到時規个台灣島變做中共國抗美的最前線
彼真正就忝矣
無法度
會當覺察著這寡代誌的本來就是少數人
佇網路時代欲洗台灣人腦閣較簡單
尤其透過影音平台足緊
少年人閣會掠做家己是咧娛樂 (^ ▽^ )