我感覺伊嘛有責任
毋過代誌無遐簡單
凡勢伊愛負的責任顛倒是上細的
當年大學無這陣遮好考
真濟中產階級家長一直希望大學會當增加
這民意已經真久矣
所以不管藍綠政治人物
本來就是較贊成增設大學
甚至規个社會
攏受著留外知識分子的影響
我閣會記得定定有「專家」
共美國情形提來比台灣的聯考「一試定終身」
講台灣按呢袂使
(無毋著，這陣台灣猶是遮的專家咧主導)
技職教育嘛仝款
一寡毋捌假捌的
講讀高職一世人做烏手無出脫
應該增加通識教育予學生會當有能力閣繼續升學
講專科學校是無正常的
大學應該愛讀四年
彼當陣我就感覺奇怪
哪會攏是毋捌技職教育的咧指導？
竟然連技職教育就是歐美傳來專門培養技術人員這件代誌攏毋知
竟然毋知美國仝款有技術學校、二年制社區學院
甚至歐陸閣較早就共囡仔分流學做烏手矣
遮的專家已經毋是用有理想性會當解說矣
是根本就毋捌技職教育矣
你看這陣就好
科大體系佮普通大學敢有差？
校名無仝爾
連排名攏做伙變做台清交成四中二科
根本就是普通大學
普渡大學電機工程系(普大)
https://tinyurl.com/4fvr5ntw
普渡大學電機工程技術系(科大)
https://tinyurl.com/23wcu57z
有興趣的人直接看網頁就知
真正的技職大學跟普通大學所學的物件佮培養目標是無仝款的
結論：
李只是應該負責的其中之一爾
當年的教育部長吳京
藍綠政治人物甚至中產階級家長
攏有責任
而且這陣猶是毋願意恢復聯考抑是增加考試入學比例
猶是對貴族有利的制度
嘛袂感覺按呢毋著
這才是上恐怖的所在