這件代誌分兩部分討論
1.萬安做補充兵敢合法？
這免講矣
伊攏有醫生證明矣
嘛經過役政機關審查判定做補充兵
所以合法
2.萬安表現遮健康煞做補充兵，社會觀感？
看逐家反應就知矣
確實
就算講椎間盤疾患袂當做一般兵
無嘛應該做替代役啊
哪會做補充兵就好？
你有法度拍籃球 健身
有法度做台北市長
敢無法度佇政府機關做替代役？
你遮健康結果做十幾工補充兵就結訓
民眾質疑嘛真正常
結論：
無法度
因為伊彼當陣就無替代役制度 XD
所以欲就是做一般兵
無就補充兵抑免役
所以社會觀感確實在人
毋過伊是合法做補充兵的
所以補充兵制度一定愛改
像萬安這款情形若佇這馬
應該無理由閣做補充兵矣
應該做替代役才合理
個人看法
補充兵應該限制
只有國手佮家因才會當申請
免役嘛是
應該以重度以上身障手冊為申請文件