: 如題
: 佛教重點是在講自我的修行而不是拜佛
: 在講如何靠修行證果或脫離輪迴
: 那如果一邊實行佛教的修行方法而不崇拜偶像
: 一邊信奉耶穌
: 這個應該不衝突吧？
: 純粹疑問 如果有錯誤請指正
若欲共佛教當做你的信仰
恐驚會佮基督信仰衝突
就我所知的佛教
你講的頭前部分是正確的
佛教確實是咧訓練家己袂去受著無明佮貪瞋癡的影響
按呢才有機會脫離輪迴
號做涅槃
所以學原始/早期佛教
愛了解無我、無常、苦、緣起遮的基本理論
其中“無我“非常重要
無我意思是講
咱毋是一个永遠不變的主體、靈魂
咱只是五蘊(色受想行識)組合的暫時現象爾
色：肉身這類物質
受想行識：心理活動
五蘊=身心的組合
等過身五蘊崩解
就連“我“的感覺攏無矣
賰業力去輪迴矣
基督教就我所知
是信耶穌得永生
這恐驚衝突矣
無我的信仰者
袂去信永生佮靈魂
因為就我所知的原始/早期佛教理論
人會產生煩惱是因為掠做有一个真我
會為著真我去受氣、去歡喜
這佇佛教來講攏是無明的表現
所以你若欲共佛教當做修心方式
毋是信仰
按呢佮基督教凡勢無衝突
只是你若有真我、靈魂、永生的想法
我就毋知敢閣有法度透過佛教來修心矣
畢竟對原始/早期佛教來講
破除真我的想法是修行上基本愛做的
參考看覓