公視新聞網 https://news.pts.org.tw/article/683481
過年燒烙+氣候變遷 臺南白河斑芝花開80%
發布時間：2024-03-02 19:15 更新時間：2024-03-02 19:43
https://www.youtube.com/watch?v=mM2kyFXve2Y
欲看春天的花蕊，這馬當著時，台南白河的花海，已經吸引濟濟人來翕相。毋過這幾年氣
候變遷等等因素，各種花蕊的開花時間、有較歹按算。親像台南學甲原底2月底，就欲辦
花季，這馬因為換品種、加上氣候變遷，可能愛延延到三月底才通沓沓開花。(這則新聞
標題、前言為臺語文。)
斑芝花當咧大開，柑仔紅的花海有夠媠。這是有全球上媠花道之一的臺南白河林初埤斑芝
花道。鏡頭遠來看，除了這逝八百偌公尺的長的花道以外，四箍輾轉嘛攏有花通欣賞，
全長計總兩公里。初二花季開幕、煞歹天落雨，猶毋過猶是唌濟濟民眾來看花兼翕相，甚
至閣有人用斑芝花排各種圖樣。
在地居民講：「來遮行行咧看花，斑芝花足媠的，今日仔有辦行路活動，袂猶毋過是落
雨。」
另一个民眾也講：「來斑芝花道看花，就那行、逐家那開講，心情加減啦毋過嘛袂啦，就
天咧做的若有法度。」
春天是賞花的季節，毋過開花時間近來真歹按算。白河區長講，舊年3月初辦的時，花開
無4成。今年原本計畫三月中辦，結果過年彼禮拜天氣熱，致使加速斑芝花開的速度，所
以這陣才提早開幕。仝款花期嘛有改變的，猶閣有學甲的一丈紅，今年在地in換品種栽種
，加上氣候變遷、生長有較慢，所以花節延去三月下旬。
臺南市白河區區長董麗華表示：「應該是暖冬的關係，本來按算三月十六才會有斑芝花，
今天真正提早到二月下底就一直開，你看這馬咱看著就是規个，規个攏開甲遮爾媠按呢啦
。」
臺南市學甲區區長張明寶表示：「新的品種當初因為毋知，伊的成長期會較慢，有請教咱
農改場的專家，毋過其他花阮的生長攏真正常。」
這擺白河斑芝花花期估算到三月中；若學甲的一丈紅花海是四月初才當咧開。若民眾欲賞
遮季節限定的花，著趕緊把握時間。
張曼亭/編輯