人就是按呢
因為過去代誌攏照咱所想的咧進行
所以若有一工
代誌無閣順咱意思行矣
就會感覺足艱苦
其實
本來就無啥物代誌是永遠袂變化的
一直攏咧變
只是你毋知影、無發覺爾
就是佛教講的「無常」
查某囝敢是昨昏才交男朋友
今仔日就隨欲綴人走的？
毋是
兩个人的感情
敢是突然間就好甲予查某囝甘願綴伊行去讀別間學校？
毋是
一定是發展一段時間矣
毋才會放棄較好的學校
十八歲矣
毋是大人
嘛毋是囡仔矣
一寡觀念這陣才欲教嘛已經袂赴矣
伊若欲綴人走
你敢有伊法？
我若是家長
會接受事實
嘛會共查某囝講我做妳的靠山
有啥物困難愛會記得轉來共爸爸講
因為有保持聯絡
才有法度共鬥相共
會當做就是按呢
其他隨緣矣