公視新聞網 https://news.pts.org.tw/article/619697
臺意爭親權 法院判囡仔過年出境.綴老爸生活
鄭雅文 林郁凱 / 台北報導 發布時間：2023-01-19 19:15 更新時間：2023-01-19 19:36
https://www.youtube.com/watch?v=9Z-FkA__Lnw
臺灣有一个女性參意大利好額人相爭欲扶養亻因的囡仔，舊年底法院做出暫時處份的裁定
，八歲的查某囡仔愛佇歇寒的時參老爸生活，這個月22著愛出發，毋過囡仔並無願意。今
仔日人本基金會等民間團體就趕佇過年進前開記者會，希望社會做伙聽囡仔的心聲。另外
，最高法院佇暗頭仔已經緊急停止執行，一直到抗告確定進前攏是有效的，這也表示查某
囡仔會當佇臺灣過年。（這條新聞標題、前言是臺語文。）
「無愛，啥人tshuā我去義大利我攏無愛，因為啥人通保證我通轉來」
就欲過年矣，毋過八歲的囡仔煞煩惱初一就愛出發去義大利，前空服員參義大利富商的扶
養權糾紛，進前台北地院家事法庭做出暫時處分，是裁定女童佇歇寒的時愛參老爸生活，
隨時間接近，囡仔愈驚惶。
人本基金會董事長 史英：「佇家己認為家己，會當比囡仔閣較通爭取囡仔利益的時，伊
有一个前提，就是你愛去聽，囡仔心內的聲音。」
幾若个民間團體指出，舊年憲法法庭做出111年度憲判字第8號判決，明確指出原裁定無充
分尊重囡仔的表意權，亻因也提出幾个疑點，親像法官自親權判決到舊年的裁定，干焦用
視訊參囡仔對談兩改，而且是佇裁定了後才補做視訊，亻因認為並無充分聽取囡仔的意見
，應該徹銷裁定。
囡仔的協助者 蘇紋雯：「假使囡仔袂當克服，這个袂當，驚家己袂當轉來的情形，伊參
我表達真濟改，伊無願意冒這个風險。」
民間團體認為，進前囡仔就是有真亻惡轉來台灣的經驗，才會驚去就袂當轉來，而且法官
的裁定講是考量女童上好的利益，但對囡仔來講，對伊上好的就是熟似的人佮所在，大人
的糾紛無應該犧牲囡仔，呼籲各界通鬥相共。