公視新聞網 https://news.pts.org.tw/article/594258
救國團抗議黨產會迫害 致員工生計受影響
鄭雅文 林郁凱/台北採訪報導 發布時間：2022-08-09 19:15 更新時間：2022-08-09 20:
09
https://www.youtube.com/watch?v=9SWDJJSj6D8
針對進前黨產會認定救國團的財產是用無正當的方式提著的，應該愛充公。救國團8/9今
仔日開記者會抗議講，黨產會害亻因愛共上千名員工辭頭路，8/11欲到黨產會頭前抗議。
「迫害無辜！民主崩山！民主崩山！」
牌仔頂懸寫政治追殺等等的口號，救國團員工徛出來抗議不當黨產處理委員會進前宣布欲
共救國團61筆土地、建物佮超過16億的財產收歸國有，講這是惡意強迫，嘛強調亻因毋是
國民黨的附隨組織。
救國團主任 葛永光表示：「阮的創團主任蔣經國講過誠清楚，救國團毋是一个神祕的組
織，救國團就是一个為青年服務的組織，阮無做調查的工課。」
救國團強調，行政法院第一審並無針對救國團敢是附隨組織做判決，進前亻因也參黨產會
協商溝通過八擺，嘛達成部份共識，毋過黨產會用煞突襲式單方面終止談判，對救國團做
出不利的處分，根本違背誠信原則，亻因也會繼續拍官司。
不當黨產處理委員會委員 許有為表示：「黨產條例其實保留亻因訴訟的權利，亻因當然
會當提訴訟，阮的調查跟佮處分已經寫甲真清楚，內底真濟的論理，阮是會堪得檢視。」
針對救國團的指控，黨產會表示，救國團佇威權時期執行真濟當時執政黨下令的任務，也
是威權統治的一部份，亻因佇調查報告內底攏有說明。救國團是表示，亻因這馬有一千七
百外个員工的工作權會受影響，按算佇十一彼工到黨產會抗議。