https://news.pts.org.tw/article/566747
反送中紀錄片"時代革命" 咱全球唯一戲院放送
洪敏真 莊沛文 / 台北報導 發布時間：2022-02-09 19:15 更新時間：2022-02-09 19:47
https://www.youtube.com/watch?v=pru5mlt6mEE
舊年金馬獎最佳紀錄片《時代革命》，記錄示威者反送中的點點滴滴，這個月25正式佇臺
灣電影院賣票播送，目前全世界也只有臺灣是透過電影院咧播送。導演周冠威表示，希望
逐家愛珍惜這份自由，尊敬抗爭者對抗政府的勇氣。
紀錄片《時代革命》 片段 ：「是按怎一个22歲的學生愛穿擋銃子的衤甲仔？」
街路頂銃聲不斷，曾是亞洲上繁華城市─香港，2019年因為反對《逃犯條例修訂草案》，
成做對抗獨裁統治的戰場。這齣欲三點鐘久，真實記錄香港人按怎用用肉體擋銃子，和政
府拚命的紀錄片號做「時代革命」，是導演周冠威用冬外時間秘密完成的作品。
時代革命導演周冠威：「我想欲倚近每一个抗爭者內心的世界，當然也希望共IN的勇氣
傳達出來，我已經做好上的拍算矣，毋過現在我欲珍惜自由。」
導演望傳達抗爭的勇氣，也講珍惜現此時的自由，針對這個月下旬台灣電影院就會以商業
性放送，也成做全球唯一播送反送中紀錄片的國家，導演表示感謝，不過學者表示這定著
引起中國不滿。
中研院台史所副研究員吳叡人：「我相信是按呢啦，阿共仔伊想欲共咱阻擋，但是我想是
擋袂牢啦。雖然伊真強，伊哪有可能會擋會牢全世界、愛護民主自由的人想欲看這齣電影
咧？彼是無可能的代誌！但台灣只不過是一个開始而已。」
時代革命舊年毋但提著金馬獎最佳紀錄片獎，閣佇坎城影展播送，導演期待這齣香港人的
作品，會當提醒所有愛護民主的人，愛珍惜也愛堅持落去。