https://news.pts.org.tw/article/491032
臺語語音辨識合成系統 講臺語.教拼音.傳母語
2020-08-18 18:53 最後更新：2020-08-18 18:56
現時科技已經有華語的語音系統，抑若臺語咧?這馬有一間科技公司，也有做一个臺語語音
辨識佮語音合成系統。若有袂曉寫的臺文字或者是羅馬拼音，用華語共系統問，這个app就
會回答你，而且這个軟體，也會曉講臺語。
共這个LINE的APP點予開，揤錄音，開始講台語，免五秒，系統就有法度辨識錄音的內容，
隨顯示羅馬拼音和台文漢字。若袂曉講台語，拍華語的字句，系統也會當用台語講予你聽
。
設計這套袂輸臺語版google小姐、臺語語音辨識系統的團隊干焦三个人。其中今年才30，
對交通大學資工系畢業，原底台語一句話攏袂曉講，因為佇學校受著客語學院的刺激，就
按呢下決心，欲共家己的母語揣轉來。薛丞宏就按呢開始學台語、並且用家己的專長，寫
程式，扌束台文。
薛丞宏講建置語音合成和語音辨識系統，愛先抾大量的台語詞彙和錄音檔案，才閣先予電
腦學台語，訓練判讀能力。聽拍台語文的過程，團隊的成員也拄著一个真亻惡克服的問題
。
免拍出台語聲調，而且會當直直拍，免斷句，系統也會曉自動記憶，共拍過的人名、外來
詞記起來。團隊笑講這套上新研發的台文拍字系統，建構佇教育部閩南語拍字系統的基礎
頂懸，會當講是伊的升級版。
三个人的科技公司，平均歲數才24，攏因為對這片土地的語文有感情，家己學，也望未來
會當繼續有文化部的補助，也會當揣企業合作，扌束長時間自動聽拍的臺語語音辨識系統
，拓展臺語的發展和使用率。