※ 引述《L0v35 (是零不是歐)》之銘言：
: 前面有人PO文問飛機的台語
: 熊熊讓本魯想到
: 似乎沒有墜機的台語欸
: 還是本高級外省人的台語詞彙不夠廣呢?
: 鳩竟墜機的台語是什麼勒?
「墜機」是飛行機發明以後才有的新漢詞，古早無
所以，若欲照意思來翻，就會使講：
「飛行機對天頂摔落來」
毋過，台語佮國語原本嘛攏無這个詞
既然先用國語發明矣，真簡單，台語提來用就好
共吸收入來
橫直攏是用漢字寫的，無問題
就親像電腦、電視，攏是古早無的物件
既然會當用國語讀，當然嘛會當用台語直接讀
一開始一定聽無
講久矣，讀慣勢、聽慣勢就好矣
佇日本時代嘛是仝款
彼陣開始普及現代銀行，日本人發明的漢詞「口座（こうざ）」
台語就共吸收入來，直接用台語來讀漢字「口座（khau2-tso7）」二字
口座是啥？就是國語的「帳戶」、「戶頭」
這个詞到這陣台語猶攏有佇用
「墜」台語讀tui7
台語原底就有墜落tui7-loh8、墜仔tui7-a2（鐘擺、墜子）的講法矣
「機」真簡單，就是讀ki，親像機會ki-hue7
「墜機」直接用台語讀tui7-ki就會用得
飛行機：hue-ling5-ki，ling5由原本hing5音變而來 古早無：古代沒有
會使：可以 對天頂：從天空 摔落來：摔下來 毋過：不過
佮：kah，與、及 嘛攏無：也都沒有 个：e5，個。「個」字唸ko3，如個人ko3-lin5
矣：