求驗客手記：台灣隊長有望投飛馬
http://0rz.tw/Pey9E
http://0rz.tw/uxnGT
南華備戰亞協盃招兵買馬，今年同佢並肩作戰嘅「兄弟兵」天水圍飛馬亦唔輸蝕，中華台
北代表隊隊長陳柏良噚日就隨隊試腳。年僅 22歲嘅柏良身形技術兼備，喺分組對賽仲有
一球進賬，只係啱啱到埗，有啲疲態，但教練陳曉明觀操後都認為佢天份甚高，基本功紮
實，有望幫助球隊衝擊亞協盃。寶島職業運動離不開棒球同籃球，但曾經遠赴巴西同日本
球會試腳嘅柏良，偏偏對非職業嘅足球情有獨鍾。坦言想去國外搵食嘅柏良，噚日首次跟
飛馬操練後，覺得節奏比台灣快，而訪港前國內聯賽休季一段時間，體能要有所提升；而
除咗佢之外，前大中日籍中場納谷伊織亦正隨隊試腳。另外，周日喺大球場上演南華對公
民嘅銀牌決賽，港台將會有聲音直播，由資深評述員何靜江同丹尼爾為大家旁述，聽講嚟
緊嘅賀歲波同部份聯賽大戰仲會添食呢。