我自第一工就講矣
我毋是藍軍嘛毋是綠的
我是真正意義的中立選民
干焦支持對我有利的
我才無愛予政黨指揮 (^ ▽^ )
所以我才講萬安這步確實厲害
這陣罷免活動的主角是啥人？
毋是國民黨抑民進黨
是八炯閩南狼佮曹興誠這的人
簡單講就是民間罷團
就是人民佮政黨的對決
而且人民上大
國民黨無人法
若倒閣
隨變做藍白佮綠的政黨對決
藍軍氣勢隨起來矣
簡單講
罷免：政黨徛咧予人民檢討
倒閣：政黨對決
對藍軍來講佗一項較有利
用跤頭趺想嘛知 (^ ▽^ )
是講我感覺真心適
平常時看咱八卦板
攏掠做民進黨做甲人民已經無法度忍受
結果萬安講著倒閣
逐家煞隨勼起來
敢若重選會輸民進黨按呢 XD