https://news.pts.org.tw/article/493362
竹市陽光國小保留大間古厝 教臺語.傳古風
2020-09-09 18:56 最後更新：2020-09-09 19:13
新竹市陽光國小內底，有保留一座、72年歷史的三合院，本底是一位姓鄭、婦人人的徛家
厝，後來變做學校用地，三合院嘛予人保留落來，經過整理，學生佇真有古味的三合院上
臺語課，更加趣味
台語老師當咧教學生講台語，斟酌共看，這間教室佮一般學校真無仝。走來外口看閣較特
別，新竹市陽光國小校園內竟然有一座傳統的三合院，邊仔閣有囡仔學生咧踏古早的水車
踏甲足歡喜，來遮上台語課的學生感覺若親像轉來去阿公阿嬤的厝。
校長講這間三合院，當初學校猶未起的時陣就徛佇遮，後來經過討論決定欲交保留，現在
只要是有關鄉土課程，攏會安排佇遮上課，嘛變做學校的一項特色。
這座有72年歷史的「三合院」，今年提著教育部美感再造計畫的特優賞，嘛是獲獎名單內
底唯一佇都市內的學校，毋但是真四序學習場域，嘛成做上有人情味的校園風景。